Асашёорюү Д.Дагвадорж Моллаей Саеидэд гурван өрөө байр бэлэглэнэ


2019-12-03 11:44:42

Эх орон, элгэн саднаа хоёрт тавьж, Монгол Улсын иргэний үнэмлэх гардсан Ираны алдарт бөх, ДАШТ-ний алт, хүрэл, Азийн наадмын мөнгө, Азийн АШТ-ий нэг мөнгө, хоёр хүрэл медальт Моллаей Саеидэд сүмо бөхийн 68 дахь их аварга, Асашёорюү Д.Давгадорж гурван өрөө байр хувийн зүгээсээ бэлэглэж буйгаа сошиал хуудсаараа дамжуулан мэдэгдсэн байна.

Моллаей Саеид нь жудо бөхийн эрэгтэйчүүдийн 81 кг барилддаг, 27 настай бөгөөд арванхоёрдугаар сарын 12-14-нд БНХАУ-ын Чиндаод болох “World masters” тэмцээнд Монгол Улсыг төлөөлөн оролцохоор бүртгүүлсэн юм.

Дашрамд мэдээллэхэд, Иран улс тамирчдаа Израилын бөхчүүдтэй барилдахыг хориглосноос болж, тэрбээр ийнхүү Монгол Улсын иргэн болж, дэлхийн хэмжээний тэмцээн уралдаанд оролцох эрхээ аваад байна.

АНХААРУУЛГА: Уншигчдын бичсэн сэтгэгдэлд Buzznews.mn хариуцлага хүлээхгүй болно. Buzznews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл бичих:




Дээрхи үсгүүдийг бичнэ үү