Хүүхэд хэрэглэгч арга хэмжээ зохион байгуулагдлаа


2019-03-13 15:15:27

Олон улсын хэрэглэгчийн өдрийн хүрээнд Монгол Улсын Шадар сайд, Боловсрол, соёл, шинжлэх ухаан, спортын сайдын “Хүүхэд хэрэглэгч” өдрийг тэмдэглэх тухай 2018 оны 121/А/780 хамтарсан тушаалаар жил бүрийн 03 дугаар сарын 15-ны өдрийг “Хүүхэд хэрэглэгч” сэдвийн хүрээнд төрийн болон төрийн бус өмчийн ерөнхий боловсролын сургуулиудад тэмдэглэх үйл ажиллагааны чиглэл баталсан.

Тэмдэглэлт өдрийн хүрээнд нийслэлийн Боловсролын газар Шударга өрсөлдөөний хэрэглэгчийн төлөө газар, БМДИ-тэй хамтран төрийн болон төрийн бус өмчийн ерөнхий боловсролын сургуулиудын нийгмийн ажилтнуудын дунд “Хүүхэд хэрэглэгч” сургалтыг зохион байгууллаа.

Өнөөдрийн сургалтын зорилго нь  Хэрэглэгчийн эрхийг хамгаалах тухай хууль, Өрсөлдөөний тухай хууль, Зар сурталчилгааны тухай хуулийн чиглэлээр боловсролын байгууллагын удирдах ажилтан, багш, нийгмийн ажилтнуудын мэдлэг боловсролыг дээшлүүлж, зохих мэдлэг эзэмшүүлснээр ерөнхий боловсролын сургуулийн сурагч, хүүхэд залуус /Хүүхэд хэрэглэгч/-д эрүүл, аюулгүй бараа бүтээгдэхүүн худалдан авах талаар зөв ойлголт өгөх, аюулгүй ухаалаг бүтээгдэхүүний талаар анхан шатны мэдлэг эзэмшүүлэх явдал юм.

Сургалтыг ШӨХТГ-ын дарга Б.Лхагва нээж, ХЭХГ-ын дарга Ш.Цэрэндулам “Хэрэглэгчийн эрхийг хамгаалах тухай хуулийн танилцуулга” сэдвээр, ХЭХГ-ын ахлах мэргэжилтэн Т.Мөнгөнцэцэг  “Аюулгүй ухаалаг бараа, бүтээгдэхүүний талаарх мэдээлэл” сэдвээр, ХЭХГ-ын мэргэжилтэн П.Хаш-Эрдэнэ “Хэрэглэгч гэж хэн бэ?” сэдвээр тус тус лекц уншиж сургалтыг явууллаа.

Сургалтад нийслэлийн төрийн болон төрийн бус өмчийн ерөнхий боловсролын сургуулийн 150 нийгмийн ажилтан оролцлоо.

АНХААРУУЛГА: Уншигчдын бичсэн сэтгэгдэлд Buzznews.mn хариуцлага хүлээхгүй болно. Buzznews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл бичих:




Дээрхи үсгүүдийг бичнэ үү