ТАНЫ ТӨЛӨӨ нийслэл хотын 6000 гаруй ажилтан албан хаагч өндөржүүлсэн бэлэн байдалд ажиллаж байна


2020-02-23 11:28:42

Ерөнхийлөгч, Ерөнхий сайд, Улсын онцгой комисс, Эрүүл мэндийн яамнаас “Гэртээ шинэлээрэй, цахимаар золгоорой” хэмээн учирлах, аргадахыг хослуулан уриалж, бас сэрэмжлүүлсээр байна.

Нийслэлийн онцгой комиссоос өчигдөр нийтийн тээвэрт хязгаарлалт хийсэн билээ. Улмаар хотын дарга "Таны төлөө нийслэл хотын 6000 гаруй ажилтан албан хаагч өндөржүүлсэн бэлэн байдалд ажиллаж байна. Иргэд маань өөрийн эрүүл мэнд, үр хүүхдүүд, ахмад настнуудынхаа амь нас, аюулгүй байдлын төлөө төр засгаас гаргасан шийдвэрүүдийг ухамсартайгаар даган хэрэгжүүлнэ гэдэгт итгэж байна.

Одоогийн байдлаар эргүүлээр зөвлөмж тарааж, хяналтын 8 цэг дээр эрүүл мэнд, цагдаа, онцгой байдал, мэргэжлийн хяналт, мал эмнэлгийн 72 албан хаагч хяналт, тандалтын үйл ажиллагааг 24 цагаар гардан гүйцэтгэж нийслэл рүү болон орон нутаг руу чиглэсэн тээврийн хэрэгсэлд 2 талдаа хяналт тавьж, иргэн бүрийн биеийн халууныг хэмжиж, холбогдох асуумж, зөвлөгөөг өгч, зөвлөмж тарааж аюулыг урьдчилан сэргийлж ажилласаар байна.

Та харин эх оронч сэтгэлээр иргэн хүний үүргээ ухамсартайгаар биелүүлээрэй. Нэг ч монгол хүн хохирохгүй бүгд энх тунх байхын төлөө хамтдаа хичээе" хэмээн уриаллаа.

 

АНХААРУУЛГА: Уншигчдын бичсэн сэтгэгдэлд Buzznews.mn хариуцлага хүлээхгүй болно. Buzznews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл бичих:




Дээрхи үсгүүдийг бичнэ үү