Б.Золбоо: Ажилтнуудыг PCR шинжилгээнд заавал хамруулна


2021-01-11 16:43:50

Нийслэл хотод Гамшгаас хамгаалах өндөржүүлсэн бэлэн байдлын зэргийг бууруулсантай холбоотой Нийслэлийн мэргэжлийн хяналтын газрын ЭАХХХ-ын улсын байцаагч Б.Золбоо мэдээлэл хийлээ.

Тэрбээр "Хязгаарлалт тогтоохгүй үйл ажиллагаа нь нээгдэж байгаа газруудад халдвар хамгааллын нийтлэг дүрэм журам мөрдөх талаар мэдээлэл өгье. Үүнд

 
  • Аж ахуйн нэгж, байгууллага үйл ажиллагаагаа эхлүүлэхийн өмнө дотоод болон гадаад цэвэрлэгээ, ариутгал хийсэн байна.
  • Ус хангамж татуургынхаа аюулгүй байдлыг хангана.
  • Тусгай зөвшөөрөл бүхий мэргэжлийн байгууллагаар ариутгал халдваргүйтгэл хийнэ.
  • Үйлчлэх хүчин чадлаа 30 хувиар бууруулж, үйлчлүүлэгч хоорондын зайг 1.5 метр байхаар зохион байгуулна. 
  • Ажилтнуудыг PCR шинжилгээнд заавал хамруулна.
  • Ажлын байранд ариутгал халдваргүйтгэлийн бодисын нөөц бүрдүүлнэ.
  • Иргэдийн зорчилт хөдөлгөөнийг бүртгэх QR кодыг бүртгэлийн цэгт байршуулна.
  • Тоног төхөөрөмж, үйл ажиллагаандаа ашигладаг бүхий л зүйлсээ ариутгаж, халдваргүйжүүлнэ.
  • Үйлчлүүлэгчдийн халууныг шалгаж, амны хаалт зүүлгэн, гарыг нь халдваргүйжүүлэн QR кодоор бүртгэж оруулна.
  • Үйлчилгээний танхим, үйлдвэрлэлийн байранд чийгтэй цэвэрлэгээг өдөрт гурваас доошгүй удаа хийнэ.
  • Хүний гар хүрдэг бүх эд зүйлийн гадаргууг хоёр цаг тутамд халдваргүйжүүлэх уусмалаар шүршиж, арчиж халдваргүйжүүлнэ. 
  • Цэвэрлэгээ, халдваргүйжүүлэлт хийх бодисыг тусгай зөвшөөрөл бүхий мэргэжлийн байгууллагаас авч хэрэглэнэ. Улсын бүртгэл бүртгэгдээгүй, хаяг шошгогүй, хүчинтэй хугацаа дууссан бүтээгдэхүүнийг хэрэглэхгүй.
  • Шаардлагатай цэгүүдэд спиртэн суурьтай гар ариутгагчийг байршуулна.
  • Ажлын байранд хоёр цаг тутамд 15 минутаас багагүй хугацаагаар агаар сэлгэнэ.
  • Төлбөр тооцоог бэлэн бусаар хийх хэрэгтэй
  • Хог хаягдлыг ангилан ялгаж, зориулалтын саванд хийнэ.
АНХААРУУЛГА: Уншигчдын бичсэн сэтгэгдэлд Buzznews.mn хариуцлага хүлээхгүй болно. Buzznews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл бичих:




Дээрхи үсгүүдийг бичнэ үү