Намрын чуулган маргааш хаалтаа хийнэ


2022-01-17 14:39:55

УИХ-ын намрын чуулганыг маргааш хаахаар шийдвэрлжээ. Уг нь энэ сарын 21-ний  өдөр буюу баасан гарагт хаахаар төлөвлөөд байсан билээ. Гэвч Төрийн ордны ажилчдаас коронавирусийн халдвар илэрсэнтэй холбоотойгоор ийнхүү чуулганы хуралдааныг өндөрүүлэхээр шийдвэрлэжээ.

Аравдугаар сарын 1-нд нээлтээ хийсэн энэ удаагийн намрын чуулганы хугацаанд 73 хуулийн төсөл хэлэлцэхээр төлөвлөсөн.

Үндсэн хуульд оруулсан нэмэлт өөрчлөлтийн хүрээнд УИХ-ын чуулган 75-аас доошгүй өдөр чуулдаг болсон. Энэ хүрээнд дөрөвдүгээр сарын 5-нд нээлтээ хийдэг байсан хаврын ээлжит чуулган гуравдугаар сарын 15-нд нээлтээ хийдэг болсон юм.

Намрын чуулган дээрх хуулийн заалтыг хангаж 75 өдөр хуралдсан хэмээн УИХ дахь МАН-ын бүлгийн дарга Д.Тогтохсүрэн мэдээлсэн юм.

 

АНХААРУУЛГА: Уншигчдын бичсэн сэтгэгдэлд Buzznews.mn хариуцлага хүлээхгүй болно. Buzznews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл бичих:




Дээрхи үсгүүдийг бичнэ үү