Махны үнэ ялимгүй өсч, ногоо хямдарчээ


2020-08-06 12:37:13

Махны дундаж үнэ                              

Энэ долоо хоногт хонины ястай мах нэг килограмм нь дунджаар 10394 төгрөг, үхрийн ястай мах кг нь дунджаар 12565 төгрөгийн үнэтэй байна. Үхрийн ястай махны үнэ өмнөх долоо хоногтой харьцуулахад 144 төгрөгөөр (1.1%), үхрийн цул махны үнэ 477 төгрөгөөр (3.2%) тус тус буурсан байна.

Үхрийн ястай мах “Хүчит шонхор” хүнсний захуудад хамгийн хямд буюу 10800 төгрөг, Харин “Саруул” хүнсний захад хамгийн өндөр үнэтэй буюу 15500 төгрөг байна. Өмнөх долоо хоногтой харьцуулахад хонины ястай махны үнэ 192  төгрөгөөр (1.8%) буурсан, харин хонины цул махны үнэ 39  төгрөгөөр (0.4%) өссөн байв. Энэ долоо хоногийн ажиглалтаар хонины ястай мах “Хархорин” хүнсний захад хамгийн хямд буюу 8800 төгрөгөөр, харин “Саруул” хүнсний захад хамгийн өндөр үнэтэй буюу 13800 төгрөгөөр худалдаалж байна.

Гурилын үнэ  

Нийслэлийн хүнсний томоохон зах, дэлгүүрт “Алтан тариа” савласан нэг кг гурилын үнэ

  • Дээд зэрэг нь 1350-1700 төгрөг
  • 1-р зэргийнх 1100-1500 төгрөг
  • 2-р зэргийнх 900-1200 төгрөг байна.

Худалдан авагч олон байдаг “Хүчит шонхор”, “Таван эрдэнэ”, “Бөмбөгөр”, “Баянзүрх”, “Хархорин” хүнсний захуудад задгайгаар буюу шуудайгаар худалдаж буй нэг кг дээд зэргийн “Алтан тариа” гурилын үнэ 1300-1500 төгрөгийн үнэ ханштай байна.

Харин “Барс” хүнсний захад дээд зэргийн “Алтан тариа” гурил 1300 төгрөг, 1-р зэргийн гурил 1100 төгрөгөөр тус тус зарагдаж байна. “Атар” талх хүнсний зах, дэлгүүрт 1200-1379 төгрөгийн үнэтэй байна. Хүчит шонхор” хүнсний захад “Атар” талхыг хамгийн хямд буюу 1200 төгрөгөөр, харин “Номин” супермаркет хамгийн өндөр үнээр буюу 1379 төгрөгөөр худалдаалж байна.

Хүнсний ногооны үнэ

  • Монгол төмс 12.5 хувиар буурч 1742 төгрөгөөр
  • Монгол лууван 0.5 хувиар өсч 2365 төгрөгөөр
  • Монгол байцаа 35.4 хувиар буурч 1763
  • Монгол хүрэн манжин 3.1 хувиар буурч 3028 төгрөгөөр
  • Сонгино хятад 0.7 хувиар буурч 1662 төгрөгөөр тус тус худалдаалагдаж байна.
АНХААРУУЛГА: Уншигчдын бичсэн сэтгэгдэлд Buzznews.mn хариуцлага хүлээхгүй болно. Buzznews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл бичих:




Дээрхи үсгүүдийг бичнэ үү