Үндэсний баяр наадмын түрүү морьдын тухай


2015-07-16 12:47:50

Азарга:
1. Архангай аймгийн Ихтамир сумын уугуул Ганзоригийн Тэмүүлэнгийн өсгий цагаан халтар. Халтар азаргыг 11 настай Нямдоржийн Пүрэвбаяр хүү унаж хурдлуулжээ. Халтар азарга ийнхүү төрийнхөө наадмын түрүүг гурав дахь удаагаа хүртэж байгааг морь сонирхогчид мэдэж байгаа биз ээ.

2. Төв аймгийн Сэргэлэн сумын уугуул Зэвсэгт хүчний 232-р ангийн уяач Ононгийн Батболдын хээр. Хээр азаргыг 10 настай Гүндэгмаагийн Отгонбаяр хүү унаж хурдлуулжээ.

3. Төв аймгийн Сэргэлэн сумын уяач Монгол улсын Манлай уяач Ононгийн Батбилэгийн зээрд. Зээрд азаргыг 10 настай Батбилэгийн Буяндэлгэр хүү унаж хурдлуулжээ.

4. Хөвсгөл аймгийн Мөрөн сумын уугуул, аймгийн Алдарт уяач Түвдэндоржийн Болдбаатарын халиун. Халиун азаргыг 11 настай Сэргэлэнбаатарын Буджав хүү унаж хурдлуулжээ.

5. Ховд аймгийн Мянгад сумын уяач Загджавын Мэндсайханы хээр. Хээр азаргыг 13  настай Жаргалын Дашзэвэг хүү унаж хурдлуулжээ.

6. Хөвсгөл аймгийн Тариалан сумын уугуул Монгол улсын Алдарт уяач Гордоогийн Доржпүрэвийн хонгор. Хонгор азаргыг 11 настай Цэрэндоржийн Мягмардорж хүү унаж хурдлуулжээ.

7. Дорноговь аймгийн Хатанбулаг сумын уугуул Монхдойн Жаргалсайханы хул алаг. Хул алаг азаргыг 15 настай Банзрагчийн Хүрэлбаатар хүү унаж хурдлуулжээ. Энэхүү хул алаг азарга нь өнгөрсөн жилийн наадмаар мөн долоод хурдалсан билээ.

8. Дорнод аймгийн Халхгол сумын алдарт уяач Занданбалын Химийнхүүгийн бор хонгор. Хонгор азаргыг 7 настай Болор-Эрдэнийн Номин-Эрдэнэ охин унаж хурдлуулжээ.

9. Өвөрхангай аймгийн Хайрхандулаан сумын уяач Эрдэнэбатын Цогтсайханы бор. Бор азаргыг 8 настай Саранцэцэгийн Бямбадорж хүү унаж хурдлуулжээ.

10. Төв аймгийн Сэргэлэн сумын уугуул Паламын Гөлгөөгийн буурал. Буурал азаргыг 12 настай Энхтуяагийн Дагвадорж хүү унаж хурдлуулжээ тус тус хурдлууллаа.

Их морь:
1. Ховд аймгийн Мөст сумын Монгол Улсын Манлай уяач Буднямын Буяннэмэхийн хээр халзан. Хээр халзан морийг 10 настай Мөнсоёлын Ганжигүүр хүү унаж хурдлуулжээ.

2. Яруу сумын уугуул Монгол улсын Тод манлай уяач Дашзэвэгийн Дагвадоржийн өсгий цагаан зээрд. Зээрд морийг 13 настай Ганбаатарын Мөнхболд хүү унаж хурдлуулжээ.

3. Говь-Алтай аймгийн Баян-Уул сумын уугуул Монгол улсын Тод манлай уяач Дагвадоржийн Ганбаатарын шарга. Шарга морийг 12 настай Батбуянгийн Цэрэндаваа хүү унаж хурдлуулжээ.

4. Говь-Алтай аймгийн Баян-Уул сумын уугуул Монгол улсын Тод манлай уяач Дагвадоржийн Цэрэнжигмэдийн хамар цагаан халтар. Халтар морийг 13 настай Даваагийн Гансүх хүү унаж хурдлуулжээ.

5. Баянхонгор аймгийн Хүрээмарал сумын уяач Алтангэрэлийн Батбаатарын саарал. Саарал морийг 10 настай Хишигжаргалын Содномдорж хүү унаж хурдлуулжээ

6. Архангай аймгийн Төвшрүүлэх сумын уугуул Эрчим хүчний дэд сайд Өлзийхутагийн Пүрэвбаатарын загал. Загал морийг 14 настай Чогдонгийн Бямбажав хүү  унаж хурдлуулжээ.

7. Төв аймгийн Баян сумын уугуул аймгийн Алдарт уяач Хэнгэрэгийн Цогтсайханы цавьдар халзан. Цавьдар халзан морийг 11 настай Анхтуяагийн Төгсжаргал хүү унаж хурдлуулжээ.

8. Говь-Алтай аймгийн Дэлгэр сумын Сүхийн Балдандоржийн хонгор. Хонгор морийг 10 настай Ганзоригийн Эрдэнэзаан унаж хурдлуулжээ.

9. Архангай аймгийн Хотонт сумын уяач Гантулгын Эрдэнэбаярын хээр. Хээр морийг 12 настай Мягмарцэцэгийн Отгонжаргал охин унаж хурдлуулжээ.

10.  Дундговь аймгийн Хулд сумын уяач Сосорын Мөнхбатын хүрэн. Хүрэн морийг 12 настай Болормаагийн Бямба-Эрдэнэ хүү унаж тус тус хурдлууллаа.

Соёолон:
1.
Говь-Алтай аймгийн Баян-Уул сумын уугуул Монгол улсын Тод манлай уяач Дагвадоржийн Ганбаатарын зээрд. Зээрд үрээг 12 настай Батбуянгийн Цэрэндаваа хүү унаж хурдлуулжээ.

2. Аман хүзүүнд Дундговь аймгийн Адаацаг сумын уугуул аймгийн Алдарт уяач Хуягбаатарын Пүрэвдоржийн зээрд. Зээрд үрээг 14 настай Үүрийнтуяагийн Бум-Аюур хүү унаж хурдлуулжээ.

3. Өвөрхангай аймгийн Есөнзүйл сумын уугуул ММСУХ-ны ерөнхий нарийн бичгийн дарга Пүрэвийн Сэргэлэнгийн хээр. Хээр соёолонгийн уяа сойлгыг Бат-Өлзийн Отгоннасан уяач тааруулсан бол  түүний хүү 12 настай Золбаяр унаж хурдлуулжээ.

4. Дундговь аймгийн Хулд сумын уугуул Ж.Рэнцэнпүрэвийн хонгор халзан. Хонгор халзан үрээг уяач Баярсайханы Лхагва-Очир уяж хурдлуулсан бөгөөд 10 настай Гансүхийн Энхболд хүү унаж хурдлуулжээ.

5. Булган аймгийн Могод сумын уугуул Нямцэрэнгийн Базаргарьдын  хээр. Хээр үрээг 10 настай Уранчимэгийн Тэмүүжин хүү унаж хурдлуулжээ.

6.  Төв аймгийн Баянцагаан сумын уугуул Даваахүүгийн Баянбатын зээрд. Зээрд соёолонг 10 настай Галсандоржийн Сүлдбаяр хүү  унаж хурдлуулжээ.

7.  Говь-Алтай аймгийн Баян-Уул сумын уугуул Мижидийн Ганболдын хээр. Унаач 9 настай Өрнөхийн Эрхэмбаяр  хүү унаж хурдлуулжээ.

8. Дундговь аймгийн Сайнцагаан сумын уугуул Адъяагийн Мөнхбаярын хээр. Хээр соёолонг ийн уяа сойлгыг уяач Дашдэлэгийн Даваацэрэн тааруулсан бол 10 настай Дэжидбалын Чанцалмаа охин унаж хурдлуулжээ.

9. Дундговь аймгийн Эрдэнэдалай сумын уугуул, аймгийн Алдарт уяач Лантуугийн Алтанхуягийн хээр. Хээр соёолонгийн уяа сойлгыг аймгийн Алдарт уяач Дэмчигцоодолын Эрдэнэбулган тааруулж, 11 настай Нямзоригийн Гантогтох хүү унаж хурдлуулжээ.

Хязаалан:
1.Архангай аймгийн Төвшрүүлэх сумын уугуул аймгийн Алдарт уяач Ө.Пүрэвбаатарын Загал. Загал хязааланг 14 настай Чогдонгийн Бямбажав хүү унаж тод магнай торгон жолоо өргүүлжээ.

2.Дундговь аймгийн Сайнцагаан сумын уугуул аймгийн Алдарт уяач П.Одонбаатарын Халиун. Халиун үрээг 8 настай хүү Энхбаатарын Төгссхайн унаж аман хүзүүнд хурдаллаа.

3.Улаанбаатар хотын Хан-Уул дүүргийн харьяат уяач Мягмарсүрэнгийн Сартай хүрэн. Сартай хүрэнг 10 настай Дарьрагчаагийн Өсөхбаяр хүү унажээ.

4.Өмнөговь аймгийн Даланзадгад сумын уугуул, аймгийн Алдарт уяач Б.Бадраагийн борлог. Борлог хязааланг 13 настай Ганчимэгийн Алтантөгс хүү унаж давхиулжээ.

5.Дундговь аймгийн Адаацаг сумын уугуул, аймгийн Алдарт уяач Д.Сүхбаатарын хонгор халзан. Хонгор халзан үрээг 10 настай хүү Сүхбаатарын Батхүү унаж хурдлуулжээ.

6.Төв аймгийн Баянжаргалан сумын Б.Мөнхтүвшингийн хонгор халзан. Хонор халзан хязааланг 8 настай Энхболдын Хас унаж хурдалсан.

7.Төв аймгийн Алтанбулаг сумын уугуул С.Дамбажавын хээр. Хээр хязааланг 11 настай, Мөнх-Эрдэнийн Мөнхдөлгөөн хүү унажээ.

8.Хөвсгөл аймгийн Цагаан-Уул сумын уугуул Д.Ганхуягийн сартай халтар. Сартай халтарыг 11 настай Цэрэндоржийн Мягмардорж хүү уналаа.

9.Говь-Алтай аймгийн Бигэр сумын уугуул Л.Чинбатын буурал. Буурал хязааланг 12 настай Цэрэндоржийн Гангантөгс хүү унаж хурдлуулжээ.

10.Говь-Алтай аймгийн Бигэр сумын уугуул Л.Чинбатын хүрэн халзан. Хүрэн халзан хязааланг 10 настай, Цэрэндоржийн Гантөгс  хүү унаж тус тус хурдалжээ.

Шүдлэн:
1. Дундговь аймгийн Өлзийт сумын уугуул, аймгийн Алдарт уяач Д.Эрдэнэбулганы хонгор. Хонгор шүдлэнг 13 настай, Түмэнбаярын Отгондорж хүү унаж хурдлуулжээ.

2. Булган аймгийн Гурванбулаг сумын уугуул, МУ-ын Манлай уяач Д.Хишигжаргалын зээрд халзан. Зээрд халзан шүдлэнг 11 настай, Пүрэвсүрэнгийн Тэмүүжин хүү унаж хурдлуулжээ.

3. Дундговь аймгийн Хулд сумын уугуул, МУ-ын Алдарт уяач Б.Баярсайханы Лхагва-Очирын хүрэн. Хүрэн шүдлэнг 10 настай, Гансүхийн Энхболд хүү унаж хурдлуулжээ.

4. Завхан аймгийн Цагаанчулуут сумын уугуул, уяач Б.Баярдоржийн Зурвас хүрэн. Зурвас хүрэнг 10 настай хүү Уранчимэгийн Тэмүүжин унаж хурдлуулжээ.

5. Ховд аймгийн Мянгад сумын уугуул, З.Мэндсайханы хүрэн. Хүрэн шүдлэнг 14 настай хүү Жаргалын Дашзэвэг унажээ.

6. Дундговь аймгийн Өлзийт сумын уугуул Д.Дэмчигцогийн зээрд. Зээрд шүдлэнг 13 настай Мөнхзаяа хүү унаж хурдлуулжээ.

7. уяач З.Жавхлангийн Дуурсан халтар. Дуурсан халтарыг 10 настай хүү Мөнхсоёлын Ганжигүүр хүү унаж хурдлуулжээ.

8. Сэлэнгэ аймгийн Зүүнбүрэн сумын уугуул Д.Уламбаярын Туулай халтар. Туулай халтарыг 11 настай, Саранбаярын Шинэхүү хүү унаж хурдлуулжээ.

9. Говь-Алтай аймгийн Есөнбулаг сумын уугуул Д.Содбаярын халтар. Халтар шүдлэнг 13 настай хүү Батбаярын Эрхэмбаяр хүү унаж хурдлуулжээ.

10. Дундговь аймгийн Адаацаг сумын уугуул, аймгийн Алдарт уяач Д.Ганхуягийн хул. Хул шүдлэнг 7 настай хүү Тамжидийн Зананби хүү унаж тус тус түрүүлж, айрагдлаа.

Даага:
1. Говь-Алтай аймгийн Шарга сумын уугуул Монгол улсын Тод манлай уяач Хадбаасангийн Бат-Эрдэнийн хээр. Хээр даагыг 12 настай Гансүхийн Сүхбат хүү унаж хурдлуулжээ.

2. Өмнөговь аймгийн Даланзадгад сумын уугуул, уяач Бадамгаравын Бадраагийн хүрэн халзан. Хүрэн халзан даагыг 8 настай, Батсүрэнгийн Отгонсүрэн хүү унажээ.

3. Сүхбаатар аймгийн Дарьганга сумын уугуул, уяач Магсарын Ариунбатын хээр. Хээр даагыг 13 настай хүү Ганчимэгийн Алтантөгс унаж хурдуулсан.

4. Төв аймгийн Баян сумын уугуул, МУ-ын Манлай уяач Миеэгомбын Энхболдын хүрэн. Хүрэн даагыг 8 настай, Ганболдын Ганхүлэг хүү унасан байна.

5. Төв аймгийн Сэргэлэн сумын уугуул, ММСУХ-ын ерөнхий нарийн бичгийн дарга асан СГЗ Адъяагийн Баярмагнайгийн хонгор. Хонгор даагыг 12 настай, Пүрэвсүрэнгийн Тэмүүжин хүү унажээ.

6. Архангай аймгийн Төвшрүүлэх сумын уугуул, уяач Өлзийхутагийн Пүрэвбаатарын Шагай бор. Бор даагыг 14 настай, Дулмаагийн Баасанжаргал хүү унаж хурдлуулжээ.

7. Дорнод аймгийн Цагаан-Овоо сумын уугуул Бүтийн Батсайханы хар. Хар даагыг 11 настай, Эрдэнэчулууны Тэлмэн хүү унажээ.

8. Төв аймгийн Зуунмод сумын уугуул, уяач Батдоржийн Өнөрсайханы хээр. Хээр даагыг 10 настай хүү Цэндхүүгийн Баасанням унаж худлуулжээ.

9. Архангай аймгийн Төвшрүүлэх сумын уугуул, уяач Цагаанбандийн Буянбаатарын хүрэн. Хүрэн даагыг 11 настай, Бямбасүрэнгийн Мөнхжин хүү унаж  тус тус хурдалжээ

Б.Эрдэнэсүрэн

АНХААРУУЛГА: Уншигчдын бичсэн сэтгэгдэлд Buzznews.mn хариуцлага хүлээхгүй болно. Buzznews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл бичих:




Дээрхи үсгүүдийг бичнэ үү