Гучин кг ампултай тариа хил нэвтрүүлэх гэж оролджээ


2019-01-07 15:23:40

Улаанбаатар хот дахь гаалийн газрын “Ачаа тээш” дэх гаалийн хяналтын бүсэд Бүгд Найрамдах Ардчилсан Солонгос Ард Улсаас энэ сарын 04-ний өдөр тус улсын иргэн С-ийн нэр дээр ирсэн 30 кг эрүүл мэндийн гэх бараанд гаалийн хяналт шалгалт хийсэн байна.

Шалгалт хийх явцад эрх бүхий байгууллагын тусгай зөвшөөрлийн үндсэн дээр гаалийн хилээр нэвтрүүлэх бараа болох “Панаксадиол” /Panaxadiol/ гэх нэртэй ампултай тариа байсныг илрүүлжээ.

БНАСАУ-ын иргэн С-ийн нэр дээр гаалийн хилээр нэвтрүүлэхийг завдсан бараа нь “Гаалийн тухай хууль”-ийн 227 дугаар зүйлийн 4 дэх хэсэг, “Аж ахуйн үйл ажиллагааны тусгай зөвшөөрлийн тухай хууль”-ийн 15 зүйлийн 12 дахь хэсэг, “Эм, эмнэлэгийн хэрэгслийн тухай хууль”-ийн 15 дугаар зүйлийн 9.3 дахь хэсэг, “Зөрчлийн тухай хууль” 11.21 дүгээр зүйлийн 11 дэх хэсэгт заасан зүйл заалтуудыг зөрчсөн байх зөрчлийн шинжтэй байсан байна.

Тиймээс  нотлох баримт цуглуулах, гэрч холбогдогчоос тайлбар авах, зөрчилд холбогдсон барааг шинжилгээнд хамруулан мэргэжлийн байгууллагын дүгнэлт гаргуулах зэрэг ажиллагаануудыг “Зөрчил шалган шийдвэрлэх тухай хууль”-ийн дагуу “Ачаа тээш” дэх гаалийн хяналтын бүсэд битүүмжлэн саатуулаад байна.

Зөрчлийн талаархи мэдээллийг харьяалагдах прокурорын байгууллага болох Нийслэлийн прокурорын газарт нэн даруй мэдэгдсэн бөгөөд дээрхи бараанд “Зөрчил шалган шийдвэрлэх тухай хууль”-ийн дагуу зөрчлийн хэрэг бүртгэлтийн ажиллагааг явуулж тус хуулийн 6.7 дугаар зүйлд заасны дагуу Зөрчлийн хэрэг нээн шалгахаар ажиллаж байна.

 

АНХААРУУЛГА: Уншигчдын бичсэн сэтгэгдэлд Buzznews.mn хариуцлага хүлээхгүй болно. Buzznews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл бичих:




Дээрхи үсгүүдийг бичнэ үү