БШУЯ салбарын алдар цолтон ахмадуудад олгодог нэмэгдэл, хөнгөлөлтийг олгоно


2021-01-22 10:16:46

“Алдар цолтон ахмад настанд төрөөс нэмэгдэл, хөнгөлөлт олгох тухай” хуулийг 2017 онд баталсан.

Хуулийн дагуу Монгол Улсын баатар, хөдөлмөрийн баатар, ардын болон гавьяат цолтон, төрийн шагналт, төрийн соёрхолт, ахмад дайчин, Улсын ударник, хувьсгалт тэмцлийн ахмад зүтгэлтэн,Монгол Улсын Үндсэн хуулийг хэлэлцэж, баталсан /1990-1992 он/ Ардын Их Хурлын депутат, Улсын Бага Хурлын гишүүн ахмад настанд төрөөс нэмэгдэл, хөнгөлөлт Хөдөлмөр нийгмийн хамгааллын яамнаас олгогддог байсан.

Монгол Улсын 2021 оны төсвийн тухай хуульд Боловсрол, шинжлэх ухаан, спортын салбарын алдар цолтон ахмад настанд олгох нэмэгдэл, хөнгөлөлт нь Боловсрол, шинжлэх ухааны сайдын багцад батлагдсан.

Тиймээс дээрх нэмэгдэл, хөнгөлөлтийг авдаг салбарын ахмадуудтай холбоо барих утас, мэдээлэл, нэмэгдэл, хөнгөлөлтийг хүлээн авах дансны мэдээлэл зэргийг Хөдөлмөр нийгмийн хамгааллын яамнаас аваад байгаа аж. Шилжилттэй холбоотойгоор ахмадуудаас нэмэлт мэдээлэл, холбогдох материал шаардахгүй гэнэ. Бүх салбарын санхүүжилтийн эрх зэрэг нээгдэх тул түр хүлээгдэж байгаа юм байна.

 

АНХААРУУЛГА: Уншигчдын бичсэн сэтгэгдэлд Buzznews.mn хариуцлага хүлээхгүй болно. Buzznews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл бичих:




Дээрхи үсгүүдийг бичнэ үү