Эмийн бүртгэлд бүртгэгдээгүй, гарал үүсэл нь тодорхойгүй бүтээгдэхүүн худалдаалж байжээ


2019-10-09 07:54:16

Иргэний ирүүлсэн гомдлын дагуу Баянгол дүүрэгт байрлах "Хосвансэмбэрүү" ХХК-ийн эмнэлгийн үйл ажиллагаанд хяналт шалгалт хийлээ. Шалгалтаар Монгол улсын эмийн  бүртгэлд бүртгэгдээгүй, гарал үүсэл нь тодорхойгүй нь Испани улсад үйлдвэрлэсэн MCCM брэндийн “Артишок” нэртэй тарилгын эмээр үйлчилсэн зөрчил илэрч, ЗТХ-ийн холбогдох заалтын дагуу Зөрчлийн хэрэг нээж, улсын байцаагчийн акт үйлдэн 540.000₮ бүтээгдэхүүнийг хураав. Мөн зөрчлийг давтан үйлдэхгүй байх талаар эрх бүхий албан тушаалтны албан даалгаврыг хүргүүлэн ажиллаж байна.

Тус тарилгын эмийг нийлүүлсэн Сүхбаатар дүүрэг, "Шангри-Ла-Молл" худалдааны төвд үйл ажиллагаа явуулж буй "Үлэмж грийс" ХХК нь эм импортлох тусгай зөвшөөрөлгүйгээр Буянт-Ухаа боомтоор тарилгын эмийг гоо сайхны бусад бүтээгдэхүүний нэршилээр /серум/ импортлосон, мөн дээрх брэндийн тарилгуудыг бусад арьс гоо заслын эмнэлгүүдээр нийлүүлсэн зэрэг зөрчил илэрснийг харьяа дүүргийн цагдаагийн хэлтэст шилжүүлэхээр ажиллаж байна.

Хяналт шалгалт үргэлжилж байна

 

АНХААРУУЛГА: Уншигчдын бичсэн сэтгэгдэлд Buzznews.mn хариуцлага хүлээхгүй болно. Buzznews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл бичих:




Дээрхи үсгүүдийг бичнэ үү