Говь-Алтай аймагт сургалт зохион байгууллаа


2020-10-26 10:17:24

Улсын гуравдугаар төв эмнэлэг улсын хэмжээнд эрүүл мэндийн лавлагаа тусламж үйлчилгээ үзүүлэх, мэргэжил арга зүйгээр ханган ажиллах чиг үүргийнхээ хүрээнд эмнэлэг хоорондын  уялдаа холбоог бэхжүүлж, тусламж үйлчилгээний чанар хүртээмжийг тасралтгүй сайжруулах зорилгоор нийслэл, орон нутгийн эрүүл мэндийн байгууллагуудтай хамтран ажиллах үйл ажиллагаагаа тасралтгүй хэрэгжүүлсээр байна.

Тус эмнэлгийн сувилахуйн тусламж үйлчилгээний багийнхан  2020 оны 10 сарын 21-нээс 23-ны өдрүүдэд Говь-Алтай аймгийн нэгдсэн эмнэлэгт ажиллалаа. Ажиллах хугацаандаа "Коронавируст халдварын хариу арга хэмжээ ба сувилахуйн тусламж үйлчилгээний бэлэн байдал" сэдэвт онол, ажлын байрны дадлага сургалтыг зохион байгууллаа. Тус сургалтанд аймаг, сум өрх болон хувийн хэвшлийн эмнэлгийн нийт 160 гаруй сувилагч, тусгай мэргэжилтэн оролцсон.
Яаралтай тусламж, эрчимт эмчилгээ, харвалт, зүрхний шигдээсийн чиглэлээр онол, дадлага хавсарсан сургалтыг УГТЭ-ийн Сувилахуйн албаны 11 мэргэжилтэн удирдан явууллаа. 

         
   Уг сургалтыг зохион байгуулахад дэмжлэг үзүүлэн ажилласан Эрүүл Мэндийн Хөгжлийн Төв, Говь-Алтай аймгийн нэгдсэн эмнэлгийн удирдлагуудад талархал илэрхийлье.                                             
          Хамтын ажиллагаа үргэлжид хөгжих болтугай.

АНХААРУУЛГА: Уншигчдын бичсэн сэтгэгдэлд Buzznews.mn хариуцлага хүлээхгүй болно. Buzznews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл бичих:




Дээрхи үсгүүдийг бичнэ үү