Оросын сөрөг тагнуул, хилийн аюулгүй байдлын барилгад гал гарчээ

2023-03-17 10:43:55

ОХУ-ын өмнөд хэсгийн Ростов-на-Дону хотод Холбооны аюулгүй байдлын албаны (ФСБ) ашиглаж байсан барилгад гал гарч, нэг хүн амиа алдаж, хоёр хүн шархадсан тухай

Оросын хэвлэлүүд мэдээллээ. Ростов мужийн амбан захирагчийн хэлснээр, богино залгааны улмаас гал гарсан тул түлшний савнууд шатсан байна. Барилга байрлаж буй гудамжийг бүсэлсэн байна. ФСБ нь ОХУ-ын дотоод аюулгүй байдлын алба бөгөөд сөрөг тагнуул, хилийн аюулгүй байдал, терроризмтой тэмцэх үүрэгтэй.


Ростовын захирагч Василий Голубев хэлэхдээ, түймэр 800 хавтгай дөрвөлжин метр талбайг хамарч, хоёр хана нурсан байна.Түймэр тархах аюул байхгүй ч урьдчилан сэргийлэх үүднээс ойролцоох орон сууцны оршин суугчдыг нүүлгэн шилжүүлж байна.

РИА агентлаг онцгой байдлын албаны мэдээнээс иш татан мэдээлснээр, гал гарсан газар нь гараж, агуулахын зориулалттай хоёр давхар барилгыг хамарсан гэдгийг онцолжээ. Ростов-на-Дону бол Украины Донецк, Луганск мужтай хиллэдэг Оросын өмнөд нутгийн нийслэл бөгөөд одоогоор дайны ширүүн тулаан болж байна.

 

Холбоотой мэдээлэл

zurag Нисгэгчгүй онгоцууд Оросын Хар тэнгисийн флотод заналхийлж байна
zurag АНУ-ын өмнөд мужийн байшингуудыг Миссисипи хар салхи сүйрүүлжээ
zurag Трамп насанд хүрэгчдийн киноны одод мөнгө төлсөн гэх хэргээ үгүйсгэсэн байна
zurag Хөлөг онгоц 45 градусын өнцгөөр хазайж зорчигчид бэртжээ
zurag Трамп гэмт хэрэгт буруутгагдаж буй АНУ-ын анхны Ерөнхийлөгч болж байна
zurag Хоёр хөршийн удирдагчид юу амлав
АНХААРУУЛГА: Уншигчдын бичсэн сэтгэгдэлд Buzznews.mn хариуцлага хүлээхгүй болно. Buzznews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл бичих:




Дээрхи үсгүүдийг бичнэ үү

Видео МЭНЭНГИЙН тал бол Монголын ЭМГЭНЭЛ юм!!!