Улсын Их дэлгүүрийн зүүн талын замын хөдөлгөөнийг хязгаарлана

Баруун Сэлбийн гудамж буюу Энхтайваны өргөн чөлөө, Их дэлгүүрийн зүүн урд талын уулзвараас хойшоо Тэди төвийн зүүн хойд уулзвар хүртэл 600 метр авто замын шинэчлэлийн ажил 5 дугаар сарын 13-наас 6 дугаар сарын 1-н хүртэл хийгдэнэ.

Энэ хүрээнд тэгшилгээний хучилт, өнгө хучилт, хашлагуудыг шинэчлэх, инженерийн шугам, сүлжээний худгийг өндөрлөх зэрэг ажлыг 5 дугаар сарын 20-ны 20:00 цагаас 22-ны 20:00 цагийн хооронд хийх тул замын хөдөлгөөнийг хязгаарлан, асфальт бетон хучилтын ажил гүйцэтгэхээр боллоо.

Иймд иргэд, жолооч та бүхэн бусад замыг сонгон хөдөлгөөнд оролцоно уу.