"Эрдэнэс Тавантолгой" ХК-ийн ажилтнууд ТӨРИЙН ОДОНГООР энгэрээ МЯЛААЛАА


2021-06-13 10:56:51

Тулгар төрийн 2230 жил, Их Монгол Улс байгуулагдсаны 815 жил, Үндэсний эрх чөлөө, тусгаар тогтнолоо сэргээн мандуулсны 110, “Эрдэнэс Тавантолгой” ХК байгуулагдсаны 10 жилийн ойг тохиолдуулан Монгол Улсын Ерөнхийлөгч Х.Баттулгын зарлигаар “Эрдэнэс Тавантолгой” ХК-ийн зарим ажилтан төрийн одонгоор энгэрээ мялаалаа. 

Компанидаа үр бүтээлтэй, ажлын амжилт гарган ажиллаж буй Хөрөнгийн удирдлагын хэлтсийн дарга С.Тулгаа, Маркетинг, борлуулалтын хэлтсийн дарга Ц.Мөнхтуяа нарыг Төрийн дээд шагнал Алтангадас, Худалдан авалтын ажиллагааны хэлтсийн ахлах мэргэжилтэн А.Энхмаа, Маркетингийн ахлах мэргэжилтэн Б.Серикжан, Санхүүгийн хэлтсийн мэргэжилтэн Я.Содчимэг, Аж ахуйн албаны жолооч, механик Б.Доржжанцан, Салбарын Уулын хэлтсийн Ашиглалтын хэсгийн оператор П.Отгонбат нарыг Төрийн одон Хөдөлмөрийн Хүндэт медалиар шагнуулсныг Уул уурхай, Хүнд үйлдвэрийн сайд Г.Ёндон энэ сарын 11-ний өдөр гардуулж, цаашдын ажилд нь амжилт хүслээ.

АНХААРУУЛГА: Уншигчдын бичсэн сэтгэгдэлд Buzznews.mn хариуцлага хүлээхгүй болно. Buzznews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл бичих:




Дээрхи үсгүүдийг бичнэ үү