Баянгол дүүргийн удирдах ажилтны ээлжит шуурхай зөвлөгөөн боллоо

Баянгол дүүргийн Удирдах ажилтны ээлжит шуурхай зөвлөгөөн өнөөдөр (2023.10.18) болж, дүүргийн Засаг даргын үүрэг гүйцэтгэгч Д.Жаргалсүрэн удирдан явууллаа.

Хурлын эхэнд өнгөрсөн шуурхай зөвлөгөөнөөс өгсөн үүрэг даалгаврын биелэлтийг ТЗУХ-ийн ахлах мэргэжилтэн Г.Мөнхзаяа танилцууллаа. Өнгөрсөн шуурхай зөвлөгөөнөөр нийт 9 үүрэг даалгавар өгсөн. Үүнээс

• Гурав нь 100,
• Тав нь 90,
• Нэг нь 70 хувийн хэрэгжилттэй буюу нийт өгсөн үүрэг даалгавар 91 хувийн биелэлттэй хэрэгжсэн байна.Тухайлбал, өнгөрсөн Шуурхай зөвлөгөөнөөс сайжруулсан шахмал түлшийг хэрэглэх, ашиглах заавар, зөвлөгөө болон угаарын хийн хордлогоос урьдчилан сэргийлэх сэрэмжлүүлгийг иргэд, олон нийтэд тогтмол мэдээлж ажиллахыг үүрэг болгосон. Дээрх үүрэг даалгаврын хүрээнд дүүргийн ЗДТГ, холбогдох газар, хэлтсүүдтэй хамтран аравдугаар сарын 11-ний өдөр угаарын хийн хордлогоос урьдчилан сэргийлэх “ӨВӨЛДӨӨ БЭЛДЭЖ-ӨНТЭЙ ӨВӨЛЖЬЕ” нэгдсэн өдөрлөгийг зохион байгуулсан байна.  

 Ерөнхий боловсролын сургуулийн орчинд сурагчид, хүүхэд багачуудыг зам, тээврийн ослоос урьдчилан сэргийлэх,  хөдөлгөөний   аюулгүй   байдлыг  хангах чиглэлээр өгсөн үүрэг даалгаврын хүрээнд дүүргийн Цагдаагийн газар, Замын цагдаагийн хэлтэс, Боловсролын хэлтэс хамтран төлөвлөгөө гаргаж, хуваарийн дагуу төрийн өмчийн 21 сургууль, 38 цэцэрлэгийн орчимд эргүүл ажиллуулсан байна.

БГД-ийн Цагдаагийн  газрын дарга, цагдаагийн хурандаа Н.Сумъяа 2023 оны аравдугаар сарын 4-өөс аравдугаар сарын 17-ны өдөр хүртэлх хугацаанд дүүргийн нутаг дэвсгэр дэх эрүү болон хэв журмын нөхцөл байдлын талаар мэдээлэл өглөө. Тодруулбал, өнгөрсөн 14 хоногийн хугацаанд БГД-ийн Цагдаагийн газарт иргэд, аж ахуй нэгж байгууллагаас гэмт хэрэг, зөрчлийн шинжтэй 4273 гомдол, дуудлага ирсэн байна. Үүнээс I хэлтэс 43.5, II хэлтэс 40, үлдсэн 16.5 хувийг Замын цагдаагийн хэлтэс хүлээн авч шалган шийдвэрлэсэн бөгөөд нийт бүртгэгдсэн гомдол мэдээлэл өмнөх онтой харьцуулбал 0,7 хувиар буурсан байна гэлээ.

Түүнчлэн БГД-ийн Цагдаагийн газраас:

• “Тандалт” тусгай арга хэмжээний хүрээнд дүүргийн Улаан загалмайн хороо, Халдварт өвчин судлалын үндэсний төвтэй хамтран тэнэмэл байдлаар амьдардаг, архинд донтох өвчтэй 101 хүнд архины хор уршиг сэдвээр яриа таниулга хийж, эмнэлгийн анхан шатны тусламж үзүүлсэн бол “Сэргэлт өөд” ТББ-д гурван хүнийг сайн дурын эмчилгээнд хамруулахаар хүлээлгэн өгсөн байна.
• Аравдугаар сарын 06-ны өдөр зохион байгуулсан “Уусан бол бүү жолоод” арга хэмжээний хүрээнд согтууруулах ундааны зүйл хэрэглэсэн болон тээврийн хэрэгсэл жолоодох эрхийн үнэмлэхгүй үедээ тээврийн хэрэгсэл жолоодсон 22, “ASAP” сангийн эрэн сурвалжлах хэсэгт бүртгэлтэй 2, Зөрчлийн тухай хуулийн холбогдох заалтаар зөрчилтэй замын хөдөлгөөнд оролцсон 124 жолоочид тус тус торгууль оногдуулсан байна.
• Архи согтууруулах ундаа худалдан борлуулах, үйлчлэх чиглэлээр үйл ажиллагаа явуулдаг 141 аж ахуй нэгж байгууллагын 1486 хяналтын камер стандартад нийцсэн эсэх судалгааг гаргаж улмаар шаардлага хангаагүй 24 аж ахуйн нэгж, байгууллагад мэдэгдэл хүргүүлсэн байна. Мөн 87 хяналтын камерыг шинээр байршуулж, Зөвшөөрлийн тухай хуулийн хэрэгжилт болон байгууллагын гадна орчны аюулгүй байдлыг хангах чиглэлээр хяналт тавьж ажиллажээ.

“Баянгол Шинэ Өргөө” ААТҮГ-ын дарга Г.Даваасүрэн дүүргийн хэмжээнд хог тээвэрлэлтийг сайжруулах, өвөлжилтийн бэлтгэл ажлын хүрээнд авч хэрэгжүүлж байгаа арга хэмжээний талаар мэдээлэл өглөө. Өнгөрсөн есдүгээр сарын байдлаар гэр хорооллын 8 хороонд задгай 8 машин 588 эргэлтээр 266,020 тонн хог тээвэрлэсэн бол байшин хороололд 21 машин 1381 эргэлтээр 4949,810 тонн хог тээвэрлэсэн байна. Түүнчлэн “Баянгол Шинэ Өргөө” ААТҮГ-аас хог ачилтыг сайжруулах талаар тодорхой төлөвлөгөө гарган ажиллаж байгаа бөгөөд тухайлбал, холбогдох алба хаагчид хороодод ажиллаж хог тээвэрлэлт болон тулгамдаж буй асуудлыг сонсох улмаар 7 хоног бүр хяналт тавьж ажиллаж эхэлсэн байна. Мөн хогны төлбөрөө төлөөгүй ААН, иргэдэд шаардах хуудас хүргүүлсэн бөгөөд өнөөдрийн байдлаар хогны гэрээ байгуулсан 1749 аж ахуй нэгж, иргэн байгаагаас 961 нь хогны төлбөрөө төлөөгүй байна. Иймд холбогдох газруудтай хамтран хогны төлбөрийг барагдуулахаар ажиллаж эхэлсэн байна.

Мөн өвөлжилтийн бэлтгэл ажлын хүрээнд давс, бодисын нөөцөд 8,5 тонн давс, 70 тонн бодис үлдсэн бөгөөд үүн дээр нэмж 285 тонн давс захиалсан гэсэн мэдээллийг өглөө.   

Баянгол дүүргийн “Иргэдийн спортын XI наадам” есдүгээр сарын 9-ний өдөр эхэлсэн бөгөөд нийт 9 төрлөөр зохион байгуулахаар төлөвлөсөн. Үүнээс өнөөдрийн байдлаар спортын 4 төрлийн тэмцээн зохион байгуулагдсан ба үлдсэн 5 төрөл нь хуваарийн дагуу болно. Түүнчлэн Баянгол дүүргийн “Иргэдийн спортын XI наадамд хороодын Засаг дарга нар ач холбогдол өгч, иргэдээ идэвхтэй оролцуулж байгаа гэсэн мэдээллийг  дүүргийн Спорт хорооны дарга Г.Батбаяр удирдах ажилтнуудад өглөө.

Дүүргийн Замын Цагдаагийн хэлтсээс Нийт бүртгэгдсэн зам тээврийн ослыг бууруулах энэ төрлийн гэмт гэргээс хүүдийг хамгаалах, сөрөг үзүүлэлтийг бууруулах, осол зөрчилд өртөхөөс урьдчилан сэргийлэх чиглэлээр “Гарц” арга хэмжээг дүүргийн нутаг дэвсгэрт байрлах ерөнхий боловсролын 150 хүүхдэд “Замын хөдөлгөөнд хэрхэн оролцох вэ” сэдвээр сургалт зохион байгуулсан байна. Мөн “Та-татгалз” арга хэмжээний хүрээнд 1-4 курсийн нийт 624 оюутан, Ерөнхий боловсролын 96, 51, 28,47-р сургуулийн ахлах ангийн 14 бүлгийн 436 сурагчдад гэмт хэрэг, зөрчлөөс урьдчилан сэргийлэх талаар сургалт зохион байгуулж мөн “өсвөрийн сэргийлэгч” бүлгэмийн гишүүдтэй уулзан хамтран ажиллах талаар мэдээлэл өгчээ.  

Шуурхай зөвлөгөөний төгсгөлд дүүргийн Засаг даргын үүрэг гүйцэтгэгч Д.Жаргалсүрэн холбогдох хэлтсүүдэд дараах үүрэг даалгаврыг өглөө.

Үүнд: Дүүргийн удирдах ажилтнууд хурал, зөвлөгөөнд өөрийн биеэр оролцох /Төрийн захиргааны удирдлагын хэлтэс, нийт байгууллагууд