Бага тойруугийн авто замыг хааж хэсэгчилсэн засвар, шинэчлэлтийн ажлыг хийхээр болжээ. Тодруулбал,
Сүхбаатар, Чингэлтэй дүүргийн нутаг дэвсгэр, ”Зоос гоёл”-ын уулзвараас Соёл урлагийн их сургуулийн уулзвар хүртэлх авто зам засвар, шинэчлэлтийн ажлыг энэ сарын 15-ны 23:00 цагаас 18-ны 06:00 цагийн хооронд хааж, авто замын засвар, шинэчлэлтийн ажлыг хийж гүйцэтгэх юм байна.
Тус ажлын хүрээнд хашлага өндөрлөж, зорчих хэсгийн түвшинд тааруулах, зорчих хэсгийн худгийн таг өндөрлөх, асфальтбетон хучилт, тэмдэг тэмдэглэгээний ажлууд хийгдэх аж.
Иймд иргэд, жолооч та бүхэн бусад замыг сонгон хөдөлгөөнд оролцохыг нийслэлийн Замын хөгжлийн газраас санууллаа.