“Эрдэнэс Оюутолгой” ХХК-ийн гүйцэтгэх захирал Э.Ганхүүг хойшлуулашгүй ажиллагаагаар 48 цагийн хугацаагаар баривчилжээ. Тэрбээр Оюутолгойтой холбоотой нээлттэй сонсголд гэрчээр дуудагдаад байсан бөгөөд сонсголын өмнөх өдөр ийнхүү саатуулагдсан байна.
АТГ-аас өгсөн мэдээллээр Э.Ганхүүг компанийнхаа оффисыг хууль бусаар худалдсан байж болзошгүй үндэслэлээр шалгаж байгаа аж.
Хууль зүй дотоод хэргийн сайд Б.Энхбаяр Л.Оюун-Эрдэнийн Засгийн газрын үед “Монгол хаан” жүжгийг “Эрдэнэс Оюутолгой” ХХК-иас 7 тэрбум орчим төгрөгөөр санхүүжүүлсэн талаар мэдээлж байсан билээ.
