Нийслэлийн Засаг дарга асан Су.Батболд Монголын тариаланчдын үндэсний холбооны тэргүүнээр сонгогджээ. Энэ сарын 25-нд ээлжит хурлаа хийсэн тус холбооны хуралд  21 аймгийн 400 гаруй тариаланч оролцож, тэргүүнээ сонгосон нь энэ аж.

Су.Батболд нь ХААИС-ийг хөдөө аж ахуйн инженер мэргэжлээр төгссөн нэгэн аж. Төв аймгийн ИТХ-ын даргаар ажиллаж байгаад УИХ-д дөрвөн удаа сонгогдсон намтартай.  2016-2018 онд Нийслэлийн Засаг дарга бөгөөд Улаанбаатар хотын Захирагчаар ажиллаж байсан билээ.