Завхан аймаг, Тэс сум. Нисэг багийн “Улаан толгой” гэдэг газар тус сумын харьяат иргэн Б, Д нар 11.11-ний өдрийн 17:00 цагийн орчим чацаргана жимс түүхээр автомашинтай яваад сураггүй болжээ.
Тус аймгийн Онцгой байдлын газрын Гал түймэр, унтраах аврах 57 дугаар ангийн алба хаагчид иргэн Б/47 настай, эрэгтэй/, Д/39 настай, эрэгтэй/ нарыг эрэн хайх ажиллагааг зохион байгуулж, мөн өдрийн 05:10 цагт иргэн Б/47 настай, эрэгтэй/-ыг сумын төвөөс 5 км-т “Эргийн тохой” гэдэг газраас эсэн мэнд олж, сумын Эрүүл мэндийн төвд хүлээлгэн өгсөн бөгөөд иргэн Д-г эрэн хайх ажиллагааг зохион байгуулах явцад тухайн иргэнийг сумын төвөөс 5 км-т “Урт хошууны-Үзүүр” гэдэг газраас эсэн мэнд олжээ.
Ховд аймаг, Мөнххайрхан сум. Алаг багийн “Өвөлжин” гэдэг газар иргэн Ж нь 11.11-ний өдрийн 17:00 цагийн орчим гэрээсээ гарч яваад сураггүй болжээ.
Тус сумын мэргэжлийн ангийн алба хаагчид орон нутгийн 16 иргэнтэй хамтран иргэн Ж/41 настай, эрэгтэй, хөгжлийн бэрхшээлтэй/-ыг эрэн хайх ажиллагааг 11.12-ны өдрийн 07:25 цагаас зохион байгуулж, мөн өдрийн 13:35 цагт гэрээс нь 10 км-т “Нарийн дэв” газраас эсэн мэнд олж, ар гэрийнхэнд нь хүлээлгэн өгсөн байна.