Орос улс Иран руу сөнөөгч онгоц, довтолгооны нисдэг тэрэг илгээнэ гэж тус улсын төрийн хэвлэлүүд мэдээллээ. Москва, Тегеран батлан хамгаалах салбарын хамтын ажиллагаагаа нэмэгдүүлж байна гэж АНУ анхааруулж байгаа энэ үед энэхүү хэлэлцээрийг хийсэн юм.
Орос улс Иран руу дэвшилтэт сөнөөгч онгоц, довтолгооны нисдэг тэрэг илгээхээр тохиролцсон нь тус улсын агаарын хүчинд ихээхэн түлхэц үзүүлэх болно гэж Ираны хэвлэлүүд мэдээлж байна. Цагаан ордны дээд албан тушаалтан өнгөрсөн долоо хоногт “Цэргийн хамтын ажиллагааг өргөжүүлэх нь Украин болон Ойрхи Дорнодын бүс нутагт сайнгүй” гэж мэдэгджээ.