Air New Zealand компаниар үйлчлүүлдэг 75 настай зорчигч Тодд 1-р сард эхнэр бид 2 Шинэ Зеланд руу нисч, 4-р сар хүртэл хамт байхаар төлөвлөсөн. Гэтэл Патрисия аялалд гарснаас хойш 6 долоо хоногийн дараа хорт хавдартай болох нь оношлогдсон. Түүнд минь дөрвөн сар орчим л амьдрах хугацаа үлдсэн. Гэтэл түүнтэйгээ хамт өнгөрүүлэх цаг хугацаанаас минь Air New Zealand компани дөрвөн цагийг хассанд би дургүйцэж байна. Эхнэр маань үүний төлөө зовж шаналж байсанд харамсаж байна гэжээ.
Хосууд Нью-Йоркоос Окленд руу буцах бизнес ангиллын тасалбар захиалсан. Тасалбар нь 23,000 долларын үнэтэй байсан аж. Тэрбээр нислэгийн компанид учраа хэлж 60 доллар нэмж төлөөд өөр нислэгээр солихыг хүссэн. Гэсэн ч хүлээж аваагүй учраас арга буюу 8000 доллар нэмж төлөөд нислэгээ сольсон аж.
Түүний яриаг үзсэн Air New Zealand компанийн удирдлагууд бид энэрэнгүй халамжийн бодлогыг баримтлаагүй гэдэг нь тодорхой байна. Манай компани энэрэнгүй үнэ тарифын бодлого баримталж гэнэтийн эмнэлгийн яаралтай тусламж үзүүлэх үүрэгтэй. Зорчигчийн бие өвчтэй яаралтай нисэх шаардлагатай байгаа бол хамгийн сүүлийн минутын нислэг захиалах, одоо байгаа захиалгад хялбархан өөрчлөлт оруулах уян хатан үйлчилгээ үзүүлэх ёстой. Тиймээс бид дахин уучлалт гуйж нислэгийн үнийг буцааж өгч байна гэжээ.