Д.Гантулга: Боловсролын салбарын багш ажилчид албан хаагчдыг цомхотгохгүй

Боловсролын яамнаас ажиллах хүчний цомхотголыг хэрхэн хийх талаар мэдээлэл хийлээ. Ингэхдээ боловсролын салбарт хийх цомхотголд багш нарт хамаарахгүй гэдгийг мэдэгдлээ.

Боловсролын сайдын зөвлөх Д.Гантулга: Боловсролын салбарт ЕБС, цэцэрлэгийн өмнөх боловсрол, мэргэжлийн боловсролыг оролцуулбал нийт 94 мянга орчим багш, ажилтан албан хаагч ажилладаг. Үүний 48 мянга орчим нь багш нар байдаг. Багш нарыг цомхотгоно, хална гэсэн ойлголт байхгүй. Багш нарыг цомхотгох халах байтугай одоо Монгол Улс даяар 3000 орчим багшийн дутагдалтай байна.

УИХ, Засгийн газраас төсвийн хэмнэлтийн бодлогын хүрээнд төрийн албан хаагчдыг 9 хувь цомхотгох чиглэл барьж байгаа. Гэхдээ энэ нь багшаас бусад албан хаагч нарт хамааралтай. Боловсролын салбарын хувьд 4000 орчим хүнийг хална гэсэн ташаа мэдээлэл гарч байна. Боловсролын салбарт давхардсан албан тушаал болон шинээр бий болгох албан тушаалыг цөөлнө. Өнөөдрийг хүртэл батлагдсан албан тушаал дээр ажиллаж байгаа нэг ч ажилтан, албан хаагч буюу цэцэрлэг, сургууль, мэргэжлийн боловсролын сургуулийн ажилчдаас халагдахгүй.

Харин цомхотголд боловсролын удирдлагын байгууллагууд болох Боловсролын яам болон түүний харьяа байгууллагуудын ажилчид багтаж байгаа. Цомхотгохын тулд цомхотгож байгаа юм биш. Чиг үүргийн давхцалд дүн шинжилгээ хийгээд энэ оны эхнээс Засгийн газрын хүрээнд цомхотгох ажил явагдаж байна. Жишээ нь Боловсролын яам 10 газартай байсан бол одоо 6 газартай болсон.

Боловсролын яамны Төрийн нарийн бичгийн дарга Х.Батжаргал: Саяхан УИХ-аас батлагдсан төсвийн тодотголын үеэр яригдсан төрийн албан хаагчийн тоог 9 хувиар бууруулна гэдэг асуудал боловсролын салбарт боломжгүй зүйл. Бүх шатны боловсролын байгууллагын багш нарыг энэ цомхотголд хамруулахгүй.

Боловсролын төрийн захиргааны байгууллага, удирдлагын хэмжээнд зарим тохиолдолд 20-30 хувь хүртэл чиг үүргийн давхардал байгаа. Энийг бид захиргааны түвшинд арилгаж байгаа. Мөн огт нормд байхгүй аливаа нэгэн хуучирсан албан тушаалууд буюу зарим нэг сургууль орлогч захиралтай байх зэрэг асуудлуудыг цэгцэлнэ. Хүүхдийн тоо бол цалингийн болон албан тушаалын тоо хэмжээтэй хэзээ ч хувьсаж өөрчлөгдөхгүй. Хүүхдийн тоо энэ жил огцом 28 мянгаар нэмэгдэж байгаа.

Д.Гантулга: Боловсролын салбарын багш ажилчид албан хаагчдыг цомхотгохгүй

Bybuzznews

Related Post

Монголд гадаадын 37097 оршиж сууж байгаагийн 22868 нь Хятад улсын иргэд байна

Хэнтий, Дорнод, Сүхбаатарын нутаг, Төвийн зүүн хэсгээр олон жилийн дунджаас ахиу цастай, хүйтэн байхыг анхааруулаа

Академич Содовсүрэнгийн Нарангэрэлд “Чингис хаан” тэргүүн зэргийн одон хүртээнэ