Дорнод аймаг, Халхгол сум Ташгай 3 дугаар баг “Баян мандах уул” гэдэг газарт хээрийн түймэр гарсан тухай дуудлагыг 2026.06.07-ны өдрийн 17:40 цагт Онцгой байдлын алба хүлээн авчээ.
Тус аймгийн Онцгой байдлын газрын Халхгол сум дахь 62 дугаар ангийн алба хаагчдыг ХЦ-ийн 0198 дугаар ангийн 2 дугаар заставын нийт 16 хүн, 3 автомашинтай хээрийн түймрийг унтраахаар ажиллагааг зохион байгуулж, 2026.06.08-ны өдрийн 06:50 цагт цурамд оруулж, мөн өдрийн 07:05 цагт бүрэн унтраасан байна. Урьдчилсан байдлаар 2500 га талбай өртөж шатжээ.