ОХУ-ын Казань хотноо “Brics-2024”Олон улсын спортын наадам болж байна. Тус тэмцээний гимнастикийн төрөлд 17 орны 70 гаруй тамирчин өрсөлдөж буй. Монголын гимнастикийн холбооны ерөнхий нарийн бичгийн дарга Г.Ерөөлбат ахлагчтай, Үндэсний шигшээ багийн дасгалжуулагч Д. Оюунтуяа, Спортын гимнастикийн техникийн хорооны дасгалжуулагч Б.Мөнхсайханы удирдлага дор шигшээ багийн тамирчин А. Энхтүвшин, Э.Өсөхбаяр, А. Энхтулга, А. Намуунаа нарын тамирчид өрсөлдөв.
Ингэснээр үндэсний шигшээ баг, ОУХМ А. Энхтүвшин бариултай морь, турникийн төрөлд хос хүрэл медаль хүртлээ. Уг төрөлд Олимпын иж бүрэн медальт, дэлхийн 3, Европийн 8 удаагийн аварга Никита Нагорны, Сергей Найдин нар алт, мөнгөн медаль хүртэв.