Сүхбаатар аймгийн Асгат сумын Дөхөм багийн “Зуун-Овоо” гэдэг газар хээрийн гал түймэр гарчээ. Тус сумын Мэргэжлийн ангийнхан, орон нутгийн иргэд хээрийн гал түймрийг унтраах ажиллагааг зохион байгуулан ажиллаж, 14:03 цагт цурамд оруулан 20:20 цагт бүрэн унтрааж, тус сумын Байгаль орчны улсын хяналтын байцаагчид хүлээлгэн өгсөн. Урьдчилсан байдлаар хээрийн гал түймэрт 2 га талбай өртөж шатсан.
Архангай аймгийн Жаргалант сумын Асайт багийн “Даагын тээг” гэдэг газар хээрийн гал түймэр гарч, тус сумын Засаг даргын Тамгын газар, Өндөр-Улаан сумын Мэргэжлийн ангийнхан хээрийн гал түймрийг унтраах ажиллагааг зохион байгуулан ажиллаж, 16:10 цагт цурамд оруулан 19:00 цагт бүрэн унтрааж, сумын Байгаль орчны байцаагчид хүлээлгэн өгсөн. Урьдчилсан байдлаар хээрийн гал түймэрт 20 га талбай өртөж шатсан.
Өмнөговь аймгийн Мандал-Овоо сумын Өтгөн багийн “Бараат” гэдэг газар хээрийн түймрийг тус сумын Мэргэжлийн ангийнхан, орон нутгийн иргэд хээрийн гал түймрийг унтраах ажиллагааг зохион байгуулан ажиллаж, 16:58 цагт бүрэн унтрааж, тус багийн малчин Ц-д хүлээлгэн өгсөн. Урьдчилсан байдлаар хээрийн гал түймэрт 3 га талбай өртөж шатсан.
Дорнод аймгийн Матад сумын Баянхангай багийн “Бумбатын-Ухаа” гэдэг газар хээрийн түймрийг тус сумын Мэргэжлийн ангийнхан, орон нутгийн иргэд, Сүхбаатар аймгийн Сүхбаатар сумын Мэргэжлийн ангийнхан хээрийн гал түймрийг унтраах ажиллагааг зохион байгуулан ажиллаж, 18:40 цагт бүрэн унтрааж, тус багийн иргэн Г-д хүлээлгэн өгсөн. Урьдчилсан байдлаар хээрийн гал түймэрт 350 га талбай өртөж шатсан.
Дорнод аймгийн Хөлөнбуйр сумын Баян-Өлзий багийн “Уушги-Уул” гэдэг газар хээрийн гал түймэр гарч, тус аймгийн Онцгой байдлын газрын Эрэн хайх аврах, ангийн алба хаагчид, Хөлөнбуйр, Булган сумын Мэргэжлийн ангийнхан, орон нутгийн иргэд, Сүхбаатар аймгийн Сүхбаатар сумын Мэргэжлийн ангийнхан хээрийн гал түймрийг унтраах ажиллагааг зохион байгуулан ажиллаж, 22:40 цагт бүрэн унтрааж, тус сумын Цагдаагийн хэсэгт хүлээлгэн өгсөн. Урьдчилсан байдлаар хээрийн гал түймэрт 2000 га талбай өртөж шатсан.